Shqiptari që vrau 19-vjeçarin grek, do të dalë sërish para gjykatës së Selanikut ditën e hënë. 23-vjeçari mësoi dënimin me 4.3 vite burg për gjetjen e materialeve të dhunshme në zyrën e shoqatës të ultrasve të klubit të PAOK-ut, vrasësi është dërguar në paraburgim.
Sipas mediave greke, kur shqiptari u arrestua nga policia për ngjarjen e rëndë në qendër të Selanikut u përgjigj se nuk e kishte idenë se për çfarë bëhej fjalë. Ndër të tjera shtohet se i riu shqiptar i përket një grupimi ultrasish neo-nazistë të klubit të PAOK-ut, i cili quhet “Bicepsi i Veriut”.
Anëtarët e tij sfidojnë “vijën” zyrtare të Portës 4, e cila në njoftimet e saj dënon racizmin, mbështet emigrantët etj. “Bicepsi i Veriut” është i përfshirë në shumë ngjarje dhune në të kaluarën. Ata kanë rrahur ish-kryebashkiakun e Selanikut Janis Butaris si dhe janë përleshur vazhdimisht me policinë. Sulmet ndaj tifozerive rivale janë një sjellje e zakonshme e “Bicepsit të Veriut”.
Discussion about this post