Një familje në Përmet kishte kthyer kultivimin e drogës në biznes familjar. Dy vëllezër janë arrestuar nga policia, ndërsa është vënë nën hetim babai, pasi në një ambient në pronësi të tyre në fshatin Bënjë u gjetën 1.4 kg lëndë e dyshuar narkotike cannabis sattiva.
Gjatë operacionit të koduar “Brothers” u vunë në pranga F. Zh., 39 vjeç dhe A. Zh., 36 vjeç ndërsa po hetohet në gjendje të lirë babai i tyre Ll. Zh., 69 vjeç. Në cilësinë e provës materiale u sekuestruan lënda e dyshuar narkotike, arma e zjarrit, fishekët dhe 2 aparate celulare.
Materialet i kaluan Prokurorisë pranë Gjykatës së Shkallës së Parë Përmet, për veprat penale “Prodhimi dhe shitja e narkotikëve” dhe “Mbajtja pa leje e armëve, armëve shpërthyese dhe municionit”.
Discussion about this post