Pas debatit të shumëkomentuar Einxhel-Donald, Beniada, e cila ka një shoqëri disi më të ngushtë me Einxhel, është përpjekur të mos mbajë një qëndrim të njëanshëm duke komunikuar dhe qëndruar me të gjithë banorët, përfshirë këtu edhe Donaldin. Ky qëndrim i saj është komentuar jo pak nga Einxhel, Arjola dhe Iliri, gjë që duket se nuk është pritur mirë nga nëna e Beniadës, Linda Jakic.
Fillimisht ajo ka shpërndarë postime të Olti Currit dhe Fatma Haxhialiut, të cilët vënë në dukje presionin e banorëve për raportin që Beniada ka me Donaldin. Në disa video të shpërndara në faqen e “Big Brother VIP” në Instagram, ku banorët bënë në dukje se do të ishte mirë që Beniada të pozicionohej pranë Einxhelit, nëna e saj shpreh të kundërtën. Në një tjetër video, ku Beniada i thotë Arjolës dhe Einxhelit “jeni bërë si dy shtriga” (pasi këto të fundit ironizojnë Monikën e cila flet me Donaldin), Linda Jakic bie dakord. Në të tjera komente, duket disi më e revoltuar me komentet e Einxhel për miqësinë e Donaldit dhe Beniadës, ndërsa shkruan “Po si nuk tu mbyll njëherë goja, po ikk moj zhduku”. Madje në debatin mes Einxhel dhe Donaldit ajo mbështet këtë të fundit.
Discussion about this post