Kuvendi i Malit të Zi ka votuar kundër qeverisë, pas një seance të gjatë e cila ka nisur që nga ora 14:00 dhe ku më së shumti u ngritën akuzat për tradhti.
‘Qeveria e 42-të malazeze e Zdravko Krivokapiç ra’, shkruajnë mediat malazeze.
Mosbesimin e Qeverisë i votuan 43 deputetë të opozitës dhe të grupit parlamentar “Bardhezi”. Ndërkohë kundër ishin 11 deputetë (Demokratët, të Drejtat dhe Mali i Zi i Bashkuar).
Ndërkaq para votimit, deputetët e Frontit Demokratik (DF), Lëvizjes për Ndryshim (PzP) dhe Partisë Popullore Socialiste (SNP) u larguan nga salla plenare. Po ashtu në sallë nuk ishte as deputeti i Partisë Demokratike Miodrag Lekiq.
Discussion about this post