Arjola Demiri, gjatë rrugëtimit brenda shtëpisë së “Big Brother Vip”, e ka rrëfyer shumë herë mes lotësh historinë e dhimbshme të jetës së saj. Ajo ka treguar se vështirësitë që ka hasur gjatë jetës në rritjen e tre fëmijëve Helgës, Rubinit dhe Alesias, kanë qenë të shumta.
Mbrëmjen e së premtes, aktorja ndau me shikuesit një nga momentet më të vështira në jetë, kur ishte zhvendosur në Prishtinë dhe bënte tri punë njëkohësisht: aktore në “O Sa Mirë”, prezantuese në një emision fëmijësh në RTK si dhe asistente në shfaqje teatrale.
Ajo tregoi për publikun një ngjarje që ka shënjuar jetën e saj: ndarjen për një vit nga Helga, vajza e madhe, e cila kishte refuzuar të jetojë më të. Arjola tregoi ka se një ditë vendosi të shkonte te shkolla dhe ta rrëmbente atë.
“Kisha bërë plan ta rrëmbeja Helgën. E kam pritur mes lutjesh. E shoh që vjen me çantën në krahë duke folur me gjethet. Futem mes makinës dhe e mbërthej. Ajo u tremb. Më pa në sy dhe më tha ‘Nuk dua të vij me ty’.
E kam kapur, e kam futur në makinë dhe e kam çuar në shtëpi. I thashë që kisha nevojë vetëm ta përqafoja. Nuk më linte ta prekja. Thashë do e lë në qetësi dhe vetëm kur dëgjoj nga pas një ‘O mam’ pas një viti. Kam plot dy vjet që jetoj me çka Zoti më ka bekuar, që janë fëmijët e mi.’’-rrëfeu ajo.
Discussion about this post