Gjuri e “tradhton”, vizitat mjekësore do zbulojnë gjendjen e Brojës

Southampton mund të festojë kualifikimin në raundin tjetër të FA Cup, që ishte detyrim në fakt në duelin e djeshëm ndaj rivalit modest të Coventry.

Gjithçka u vendos në minutat shtesë dhe fatura për trajnerin Ralph Hasenhuttl ende nuk është mësuar.

Mbrojtësi Lyanco doli me paterica dhe do të mungojë gjatë, ndërkohë që probleme ka pasur edhe për Armando Brojën.

Sulmuesi, autor i pesë golave në Premier League me Southampton, ka ndjerë një shqetësim në gju dhe tani trajneri austriak pret përgjigjen e mjekësve pas vizitave mjekësore që do të bëjë Broja.