Ngacmoi seksualisht të miturën, arrestohet 60-vjeçari në Tiranë

Policia e Tiranës ka arrestuar dhjetë shtetas, njëri prej tyre i shpallur në kërkim, si dhe ka proceduar penalisht gjashtë të tjerë, pasi akuzohen për vepra të ndryshme penale.

Sipas njoftimit zyrtar, forcat policore kanë arrestuar N. C., 60 vjeç, pasi akuzohet se ka ngacmuar seksualisht një të mitur 9-vjeçare.

Shërbimet e Forcës së Posaçme “Shqiponja” bënë të mundur arrestimin e shtetasit në kërkim Elvis Lleshi, 36 vjeç, pasi Gjykata e Shkallës së Parë Tiranë e ka dënuar me 3 vjet e 4 muaj burg, për veprën penale “Prodhimi dhe shitja e narkotikëve”

Gjithashtu, në pranga ka rënë S. B., 34 vjeç, pasi gjatë kontrollit fizik të ushtruar nga shërbimet e Forcës së Posaçme “Shqiponja”, iu gjet dhe sekuestrua në cilësinë e provës materiale një armë zjarri me municion luftarak.