Katër shtetas shqiptarë dhe një shtetasi pakistanez janë arratisur mëngjesin e kësaj të hëne nga rajoni i policisë në Hania të Kretës. Mësohet se të arratisurit janë dënuar për vrasje, grabitje dhe trafik droge.
Sipas mediave ata u transferuan nga Athina të shtunën dhe sot do të dërgoheshin për të vuajtur dënimin në Qendrën e Paraburgimit në Chania, por gjatë natës ose mëngjesin e sotëm kanë arritur të arratisen nga qendrat e paraburgimit.
Të arrestuarit, identitetet e të cilëve nuk bëhen ende me dije ishin të dënuar për krime të rënda si vrasje, grabitje dhe trafik droge.
Sipas mediave greke, të burgosurit kanë sharruar hekurat me limë dhe me pas kanë çarë murin me forcë duke përdorur hekurat. Duket se ata e kishin planifikuar me herët këtë plan që ka funksionuar mirë. Autoritetet greke kanë nisur menjëherë punën për kapjen e tyre.
Discussion about this post