Nëntë të rinjtë dolën ditën e sotme përballë Gjykatës Greke për të dhënë dëshmitë e tyre për vrasjen e Akis Kampanos. Sipas tyre, autori dhe personi që goditi me thikë të riun, është një 21-vjeçar grek.
Sipas mediave greke, 21-vjeçarit do ti merren shenjat e gishtave dhe materiali gjenetik në mënyrë që të vërtetohet se ai është vrasësi i vërtetë. Ajo që presin punonjësit e policisë është që identifikimi i saktë i autorit të kryhet përmes laboratorëve ku do të dërgohen mostrat, megjithatë i riu grek mohon të gjitha akuzat.
Në dosjen e policisë janë përfshirë edhe dy persona të tjerë dhe ndaj tyre janë lëshuar urdhër arreste, mes tyre dhe shqiptari Rogers Demirazi.
Para gjykatës ka pasur tensione pasi familjarët e viktimës u janë sulur të akuzuarve për vrasjen.
Mediat greke kanë publikuar edhe pamjet e të arrestuarve. Ata janë shfaqur me kapuç në kokë. Ndërkohë në hetuesi ata kanë filluar akuzat ndaj njëri tjetrit. Në një moment disa prej të arrestuarve kanë thënë se thika që vrau Aliksin nuk mbahej nga shqiptari i arrestuar në fillim por nga një grek.
Discussion about this post