Në një intervistë për mediat, avokati i Saimir Tahiri, Dritan Jahaj, është shprehur se paraditen e sotme ish-ministri ka zhvilluar takime në ambientet e paraburgimit me familjarët. Pjesë e takimit kanë qenë edhe dy avokatët e tij, Maks Haxhiaj dhe Dritan Jahaj. Jahaj tregoi se Tahiri ishte i qetë, ndërsa në ditët në vijim do t’i drejtohen me rekurs gjykatës së lartë për vendimin e apelit.
“Diskutimi ishte rreth mënyrës se mbrojtjes dhe fakteve e argumenteve që do përdorim për ankimimin” – tha Jahaj.
Ndërkohë burime nga drejtoria e Përgjithshme e Burgjeve bëjnë me dije se, në ditët në vijim pritet transferimi i tij në burgun e Rrogozhinës, kjo për shkak se burgu i Vaqarrit është në rikonstruksion. Për një periudhë 10 ditore ish-ministri do të jetë në vëzhgim nga autoritetet e burgjeve për arsye sigurie kjo për shkak se në ambientet e burgut 313 qëndrojnë të dënuar me rrezikshmëri të lartë.
Kujtojmë se ish-ministri, Saimir Tahiri u dënua nga Gjykata e Apelit të Posaçëm me 3 vite e katër muaj burg për shpërdorim detyre.
Discussion about this post