Në një intervistë për mediat, ish-kryeministri, Sali Berisha, foli për çështjen “non grata” nga Departamenti Amerikan i Shtetit. Berisha u pyet nëse ka një datë nga gjykata franceze për një seancë gjyqësore për këtë çështje, Berisha tha se ende nuk e di sa çfarë do të vendosë gjykata e Parisit, por çështja i është dorëzuar që në muajin Tetor. Ndër të tjera Berisha tha se ka marrë shumë oferta nga jashtë, duke i thënë që t’i heqin non grata, por ky i fundit tha se nuk ka pranuar.
“Unë mund t’u them se dorëzimi në protokoll është bërë në 28 korrik, gjykatësi e ka marrë në 22 tetor, por se çfarë do të vendosë gjykatësi unë nuk kam asnjë ide. Ka dy pro të forta dhe dy kundra. As Blinken dhe as gjykatësi nuk janë francezë. Për shpifje deputeti nuk ka imunitet. Kam zgjedhur dy drejtime pune: e para gjykatën dhe e dyta kam zgjedh transparencën, unë kam arritur diçka në këtë mes. Kam pasur shumë oferta se me lobim kjo hiqet, por nuk kërkoj të hiqet, unë kërkoj të bëj këtë betejë që po bëj. Më është thënë se ligji nuk të kap ty se ty se ishe pension, por të tjerët” – tha Berisha.
Kujtojmë se SHBA e ka bërë disa herë të qartë nëpërmjet deklaratave të DASH, që “non grata” nuk mund të hiqet.
Discussion about this post