Dy vëllezërit Saimir dhe Arsil Shera që akuzohen për vrasjen e taksistit Abdulla Budlla në Prezë ngjarje e ndodhur 2 vite më parë, janë dënuar me 37 vite burg. Vendimi është marrë nga Gjykata e Tiranës. Vëllezërit Shera u arrestuan pak ditë pas ngjarjes. Njëri prej tyre, Sajmir Shera ka marrë përsipër autorësinë e vrasjes ku ka pranuar se ka qenë ai që ka qëlluar me breshëri kallashnikovi ndaj 71-vjeçarit, ndërsa vëllai i tij ka luajtur rolin e shoferit. Referuar dëshmisë së 30-vjeçarit Saimir Shera për të mos lënë gjurmë kallashnikovin e kishte futur që gëzhojat të mbeteshin aty dhe jo në vend ngjarje teksa shtoi se pas ngjarjes armën e ka hedhur në një kamion skrapi në Fushë Krujë. “Kam qëlluar unë mbi 71-vjeçarin, ndërsa vëllai ishte shofer. Nuk mund të vazhdonte më ajo histori pasi më ngacmonte nënën dhe këtë e dinte gjithë fshati. Kohët e fundit mësova se Budlla kishte ngacmuar dhe motrën dhe në këto kushte mora kallashnikovin dhe ika e vrava. Armën e futa në një thes që gëzhojat të binin brenda thesit për të mos lënë gjurmë. Pas ngjarjes armën e hodha në një kamion skrapi në zonën e Fushë-Krujës”, ka thënë ai.
Ngjarja
Vrasja e Abdulla Budlla 71-vjeç me armë zjarri kallashnikov, ndodhi pasditen e 3 gushtit 2020 në Fushë-Prezë, në kryqëzim me rrugën e Rinasit. Mësohet se 71-vjeçari me banim në fshatin Ahmetaq të Prezës pasi është qëlluar me kallashnikov, është gjetur në anë të rrugës sipër një fuçie pa shenja jete, në vendqëndrimin e taksive pa licencë. Trupi i pajetë i të moshuarit është gjetur jashtë makinës së tij, çka ngre dyshime se diçka e ka bërë atë të dalë nga mjeti, një pritë, një telefonatë apo diçka tjetër. 71-vjeçari mbeti i vdekur pasi u qëllua me 7 plumba kallashnikovi në trup, teksa kishte parkuar mjetin në anë të rrugës. Mjeti me të cilin viktima punonte, ka qenë e tipit “Renault”, nga ku më pas është qëlluar në largësinë 3-4 metra duke mbetur i vdekur. Prej vitesh Abdulla Budlla punonte në të zezë si taksist, ndërsa në vendngjarje policia nuk gjeti asnjë gëzhojë. Autorët kryesorë të ngjarjes, vëllezërit Shera gjatë atentatit janë treguar të kujdesshëm për të mos lënë prova në vendngjarje duke qëlluar nga një makinë në ecje dhe të gjitha gëzhojat kanë rënë brenda në mjet . Mësohet se të rinjtë janë arrestuar ditën enjte datë 7 gusht, të cilët kanë pranuar autorësinë e vrasjes së 71-vjeçarit Abdulla Budllës duke thënë se e kanë bërë për të ruajtur nderin e familjes, pasi viktima i ngacmonte nënën dhe motrën. Për të njëjtën arsye vëllezërit Shera ishin konfliktuar dhe më parë me viktimën, por sipas tyre ai vijonte t’i ngacmonte familjarët e tyre. Viktima Abdulla Budlla rezulton të jetë baba i tre djemve, dy prej të cilëve jetojnë jashtë vendit, ndërsa i treti punon taksist në Aeroportin “Nënë Tereza. A.L/Gijotina.com
Discussion about this post