Banorët e lagjes “5 Maji” kanë ngritur sot një padi në Prokurorinë e Tiranës kundër Bashkisë dhe efektivëve të Policisë. Lajmin e ka bërë të ditur një nga banorët i cili ka treguar se çdo gjë është me fakte, si për shtëpitë që u janë shembur dhe dhunën që është ushtruar ndaj tyre. Ai tha se pret të shohë rezultatet nga drejtësia në vend.
“Kanë dhunuar barbarisht familjarët. Do bëjmë kallëzimin. Kemi bërë denoncim në polici dhe tani në prokurori. Tani të shohim drejtësinë”, u shpreh ai. Kujtojmë se ditën e djeshme IKMT prishi 11 banesa te “5 Maji” dhe sigurisht banorët bën rezistencë, por policët i kanë nxjerrë zvarrë nga shtëpitë e tyre, madje edhe fëmijët e vegjël. Ndërsa nuk ka munguar as dhuna, ku si pasojë 2 banorë përfunduan në spital.
Discussion about this post