Deputeti socialist, Fatmir Xhafaj, ka folur me tone të larta ditën e sotme teksa ka diskutuar për zgjatjen e afateve të vettingut. Ai u shpreh mjaft ishte kritik për punën e komisionerëve të KPK-së dhe KPA-së në fjalën e tij në seancën e sotme në Kuvend. Xhafaj nisi fjalimin e tij duke thënë se kur u prezantua në fillim ideja për skanimin e gjyqtarëve dhe prokurorëve nuk e kishin menduar se do të kishte të tilla rezultat
“Ata që s’i kuptoj realisht janë ata që gjenden në këtë sallë. Vettingu ka pasur konsensus të plotë politik. Aneksi kushtetues dhe ligji për vettingun iu është nënshtruar komisionit të Venecias 5 herë. Disa prej kolegëve të opozitës thonë se; ‘ligji është votuar pa votat tona’. Komisionerët kanë bërë një punë voluminozë në një presion, duke i njohur këto merita shumicës prej tyre në KPK, komisioneri publik dhe veçanërisht në KPA nuk kemi pse të mos pranojmë se disa ndër ta nuk e kanë merituar këtë përgjegjësi dhe me mungesën e ndershmërisë kanë kërcënuar vlerat e këtij procesi.
Ky është fakt. Ne të gjithë këtu të dy krahëve duhet të na bëjë që të skuqemi për zgjedhjet e gabuara që kemi bërë kur kemi shtypur butonin për ta. Gabim që e kemi bërë edhe me disa zgjedhje në KLP dhe KLGJ dhe që mesa po shoh edhe sot vështirë të ndahemi. Ne këtu, ju, kemi votuar për ta, i kemi zgjedhure, ndaj duhet të ndjehemi të turpëruar për disa nga zgjedhjet që kemi bërë. Duke njohur këtë përgjegjësi dhe duke reflektuar ne jemi të vërtetë me qasjen tonë ndaj këtij procesi dhe akoma më shumë i japim besueshmëri procesit”, tha ai.
Me tone të larta, Xhafaj pohon se kanë bërë zgjedhje të gabuara në KLGJ e KLP, duke votuar dhe dhënë përgjegjësi personave që nuk u takonin. Duke thënë se duhet të ndihen të turpëruar, deputeti listoi problemet që janë hasur në këto institucione.
Discussion about this post