Ish-kryeministri Sali Berisha, ishte ditën e sotme në qytetin e Vorës ku ka prezantuar kandidatin e “Shtëpisë së Lirisë” për zgjedhjet e 6 Mars. Berisha u shpreh se sot Lulzim Basha bashkoi votat me Edi Ramën. Ai gjithashtu theksoi se Engjëll Agaçit, i doli dosja me gjeneral Lisin me të cilin ka afera shumë të mëdha së bashku me Ramën. Më tej, Berisha shtoi se në Tiranë zbarkuan prokurorët belgë, ndërsa theksoi se votimi i shtyrjes së organeve të Vettingut u bë qëllimisht para se Basha të shkonte në prokurori.
“Sot Lulzim Brava bashkoi votat me Edi Ramën. Ata që po punojnë kundër jush, edhe ata sot të dy e kishin ditë të zezë. Sekretarit të përgjithshëm të mafies në Shqipëri, Engjëll Agaçit, i doli dosja me gjeneral Lisin me të cilin ka afera shumë të mëdha së bashku me Ramën. Anti-mafia italiane po ndihmon edhe vendin tonë ku shtrihet mafia. Po sot, kanë zbarkuar prokurorët belgë. Kjo pasi Lulzim Brava në Kuvend doli e tha se do të vijnë të shtunën 5 milionë euro me Toyota Yaris. I njoftoi dhe askush nuk e merr vesh përpos prokurorisë Belge, se cili është roli i Bashës në këtë organizatë kriminale. Morën e bënë votimin para se të nisej në prokurori, se kishte frikë se mos u thoshte deputetëve mos votoni po të shkonte në prokurori” – tha Berisha.
Discussion about this post