Antonela Berisha ish-konkurrentja e “Per’puthen” dhe “Big Brother VIP Albania”, disa javë më parë ka njoftuar të gjithë përmes një “story” në llogarinë e saj të “Instagram” që do të jetë pjesë e festivalit të “Sanremo”-s.
Disa persona e kanë akuzuar atë për mashtrim, duke thënë se lajmi është i pavërtetë.
Një ndër to ka qenë pikërisht Kryetari i Këshillit të Medias, Koloreto Cukali, i cili ka folur lidhur me pretendimet e Antonelës që ka qenë pjesë e festivalit italian, duke e hedhur poshtë lajmin.
Sipas tij, njoftimin e ka postuar vetëm një media italiane dhe më pas po i njëjti lajm është fshirë. Ai shtoi gjithashtu se ekzistonte vetëm një “screenshot” nga një portal italian por që sot nuk është më.
“Unë atë portalin nuk e gjej më. Ka portale që paguan. Kjo puna e “Sanremo”-s është thjesht në kokën e zonjushës, Antonela Berisha. ‘Sanremo’ është një qytezë, që e dha ai që shet byreqe, thotë jam në “Sanremo”. Mirëpo, pjesëmarrja në qytet nuk të bën pjesë të një spektakli”, u shpreh ai.
Kështu, Antonela ka reaguar për këto aludime për mospjesëmarrjen e saj përmes një postimi në llogarinë e saj të “Instagram”. Ajo ka publikuar një “screenshot” të fotove të saj në celular, ku shkruan “Disa pjesë të punës time në “Sanremo” të papublikuara.
Discussion about this post