“Toyota Yaris”/Dje morën në pyetje Bashën, prokurorët belg takojnë sot kreun e SPAK

Ditën e djeshme në vendin tonë kanë mbërritur disa prokuror belg për dosjen “Toyota Yaris”, të cilët kanë kryer vizita të rëndësishme me autoritet tona. Ditën e djeshme ata morën në pyetje edhe kreun e PD, Lulzim Basha, ndërsa sot kanë shkuar në SPAK.

Bëhet me dije se, para pak minutash ka përfunduar takimin delegacioni belg edhe me kreun e SPAK Arben Kraja. Belget kanë marrë me vete akte nga dosja Toyota Yaris dhe dëshminë e kreut të opozitës. Hetimet në belgjikë të hapura.

Pritet që brenda pak javëve çështja që po hetohet nga belget të shkoj për gjykim në Bruksel. Buime nga delegacioni belg bënë me dije se janë edhe disa dosje të tjera që belgët kanë hetime të përbashkëta me SPAK dhe priten finalizime.

Në qendër të hetimeve është edhe një grup kriminal që merret me trafikimin e lëndëve narkotike dhe pastron para me ndihmën e disa zyrtarëve, por ende nuk janë zbardhur detaje apo emra të personave të përfshirë. Aktualisht prokurorët dhe oficerët belgë ndodhen në Prokurorinë e Tiranës, ndërsa dje kanë qenë në zyrat e Prokurorisë së Posaçme kundër Korrupsionit dhe Krimit të Organizuar (SPAK).

I vetmi person që u dënua për dosjen ‘Toyota Yaris’ ishte Elvis Vladi. Por edhe këtij të fundit iu dha vetëm një vit e gjysmë burg për veprën penale të mosdeklarimit të parave në kufi, duke sfumuar akuzën fillestare “pastrim parash në kuadër të grupit të strukturuar kriminal”. Vladi përfitoi nga gjykimi i shkurtuar dhe do të qëndrojë vetëm 1 muaj në qeli, duke nisur nga data 19 tetor e vitit të kaluar, ditë kur iu dha dënimi. Për të njëjtën çështje është dënuar me 2 vite e 4 muaj burg edhe Agim Ceka i cili u gjykua për veprën penale “armëmbajtje pa leje”. Çeka ishte shoferi i kamionit.