Në mbledhjen e sotme të Komisionit Hetimor për Inceneratorët, kryetarja Jorida Tabaku ka akuzuar nënkryetaren e këtij Komisioni, Ermonela Felaj se është e përfshirë në skandalin e inceneratorit të Tiranës.
Tabaku tha se Felaj është në konflikt interesi, pasi ka qenë e përfshirë në vendimmarrje, në rastin e inceneratorit të Tiranës. Kjo e fundit e mohoi këtë, duke i kujtuar Tabakut se nuk mund të bëjë rolin e prokurores. Kujtojmë se në kohën kur janë shkëmbyer dokumentet mes ministrive, Felaj ka qenë në postin e ministres së shtetit.
Pjesë nga debati në Komision:
Tabaku: Do të ngremë padi ndaj të gjitha që nuk kanë kthyer përgjigje për dokumentet e kërkuara nga ne për hetimin e inceneratorit të Tiranës. Zonja Ermonela Felaj mendoj që përbën konflikt interesi në këtë rast pasi është e përfshirë në vendimmarrjen e inceneratorit të Tiranës. Zonja ka qenë ministre e Shtetit në kohën kur janë shkëmbyer dokumente.
Felaj: Ku keni parë që kallzuesi, të bëj edhe prokurorin edhe gjyqtarin, s’ka konflikt interesi nga ana ime në këtë rast.
Tabaku: Kompania përfituese nuk ka asnjë leje dhe studim mjedisor. 5 ministra thanë që ka probleme me bonusin, dhe ka qenë qeveria ajo që ka dhënë garanci për paratë, kryebashkiaku i Tiranës ka marrë përgjegjësi që nuk i takojnë, ka kryer të paktën 4 shkelje sipas KLSH. Veliaj ka marrë kompetencat e këshillit Bashkiak. Kontrata e firmosur në euro me kompaninë, është më diskriminuesja për shtetin shqiptar.
Discussion about this post