Partia Demokratike ka reaguar lidhur me takimin elektoral të ish-Kryeministrit Sali Berisha në Shkodër, ku prezantoi kandidatin për kryebashkiak, Bardh Spahia, i cili garon në siglën e koalicionit “Shtëpia e Lirisë”. Në reagimin e PD-së, thuhet se aleanca e non gratave u shfaq edhe në Shkodër, por nuk u tha asnjë fjalë për Tom Doshin, ndërsa u derdh vrer e mllef ndaj demokratëve të ndershëm që qëndrojnë sot kryelartë para çdo shkodrani e shqiptari.
“Kandidatët e “Shtëpisë së Ilirit” kanë vetëm një mision, të bëhen mburojë e “non gratës” dhe të dëmtojnë Partinë Demokratike, për hallet dhe interesat e tyre. Demokratët e ndershëm shkodranë nuk mund të pranojnë të poshtërohen me kandidatë të LSI-së, që t’i përdorin më pas për pazarin e radhës me Edi Ramën, siç bëri në 2013-ën. Demokratët nuk do të kthehen kurrë në shërbëtorë të aleancës së “non gratave”. Ata dhe çdo shqiptarë e di se çdo votë për Berishën dhe Metën mban Ramën, çdo votë për Ramën mban Berishën dhe Metën” – thuhet në reagimin e Bashës.
Discussion about this post