Komisioni Hetimor për Inceneratorët është mbledhur sërish për të vijuar me marrjen në pyetje të shtatë dëshmitarëve. Bëhet fjalë për shtatë persona që në vitin 2014 ishin anëtarë të Komisionit për dhënien e koncesionit për inceneratorin e Elbasanit.
Dy dëshmitarë janë përfaqësues të Bashkisë Elbasan, katër janë përfaqësues të Ministrisë së Mjedisit dhe Ish-Ministrisë së Zhvillimit Ekonomik, ndërsa një nga Prokurorimet.
Një ditë më parë u pyet Ariola Kodra, Administratore e “Integrated Energy BV SPV” e cila u shpreh se kompania është brenda afateve të kontratës për punimet, ndërsa mohoi të ketë pasur takime personale me Klodian Zoton, Stela Gugalljan dhe Mirel Mërtirin. Në pjesën e dytë u mor në pyetje ish-administratori i inceneratorit të Fierit, Arenc Myrtezani, i cili pohoi të kishte punuar për Klodian Zoton dhe se kishte njohje me Stela Gugallin e Mirel Mërtirin.
Discussion about this post