Administratori i kompanisë koncesionare “Albtek Energy” që ka në administrim inceneratorin e Elbasanit, Arjan Baci deklaroi në komision se ky impiant aktualisht nuk bën incenerimin e mbetjeve për të prodhuar energji elektrike. Ai ka theksuar se përpunohen mbetjet vetëm duke i landfilluar.
Ndërsa Administratori i shoqërisë “Intergrated Technology Servis” shpk Faraudin Arapi, që përkujdeset po ashtu për administrimin e inceneratorin e Elbasanit, gjatë marrjes në pyetje tha se ky impiant do të fillojë nga puna brenda javës.
Debati:
Baci: Në vendgrumbullimin, sasia e mbetjeve varion, por në ditë varion nga 110-120 ton në ditë. Përpunohen mbetjet vetëm duke i landfilluar. Bashkia e Elbasanit ka kosto zero për landfillimin.
Luçiano Boçi: Nuk japin asnjë lek që depozitojnë mbetjet? I bëjnë falas?
Baci: Deri tani kostot e bashkive për landfillimin e mbetjeve ka qenë zero.
Luçiano Boçi: Duke qenë se kostot janë zero, pse 3 bashkitë e tjera nuk duan të sjellin mbetjet në incinerator.
Baci: Nuk e di pse.
Luçiano Boçi: Bashkitë thonë se nuk i përballojnë dot kostot, ndërsa ju thoni nuk kanë kosto.
Baci: Incenerimi deri në periudhën kur kemi marrë në dorëzim inceneratorin nuk ka pasur kosto.
Arapi: Një sqarim shtesë. Kur morëm në administrim të gjitha pasuritë e inceneratorëve. Edhe atë të Elbasanit, kemi lejuar deri në datën përpara vendimit të Gjykatës, kjo diferencë kohore, të marrim disa veprime konkrete. Shumë shpejt mendojmë se inceneratori do fillojë punë për të prodhuar energjinë elektrike.
Inceneratori i Elbasanit është subjekt hetimi nga SPAK, pasi për procedurat e koncesionit të tij është arrestuar ish-ministri i Mjedisit, Lefter Koka, dhe janë shpallur në kërkim administratorët e kompanisë fituese të koncesionit, Klodian Zoto dhe Stela Gugallja.
Discussion about this post