SPAK ka nisur hetimet ndaj kryebashkiakut të Vorës Gentian Picari, pas urdhrit që lëshoi GJKKO për të. Picari akuzohet për shpërdorim detyre dhe korrupsion. Hetimet nga organet kompetente kanë nisur pas një denoncimi të bërë nga partia Lëvizja Socialiste për Integrim, që akuzonte Picarin për shpërdorim detyre, grup të strukturuar dhe korrupsion në zgjedhje.
Prokuroria e posaçme vendosi të pushojë hetimet me argumentin se ai nuk ka kryer vepër penale dhe shpalli moskopencë duke dërguar dosjen në prokurorinë e Tiranës.
Por këtë vendim e rrëzoi gjyqtarja Irena Gjoka, duke urdhëruar prokurorinë e posaçme SPAK të kryejë veprime të tjera shtesë. Sipas hetimeve ka rezultuar se Picari në bashkëpunim me 3 ekspertë të vlerësimit të dëmeve të shkaktuara nga tërmeti i nëntorit, kanë ndryshuar ekspertizën për 43 banesa duke rritur fiktivisht dëmet.
Picari akuzohet gjithashtu se ka punësuar 73 persona në këmbim të votës. Kështu Gjykata i ka lënë detyrë prokurorisë të provojë nëse ky veprim është bërë në kundërshtim me ligjin dhe vendimin e KQZ-së për të bllokuar të gjitha emërimet e reja para dhe pas zgjedhjeve.
Discussion about this post