Kryeministri Rama komentoi gjatë takimit me gazetarë në New York anëtarësimin e Shqipërisë në Këshillin e Sigurimit, ku komentoi dhe konfliktin Rusi-Ukrainë.
Kryeministri theksoi se Rusia nuk shihet si një vend armik, por një shtet rival për shkak të zhvillimeve gjeopolitike dhe luftën e mundshme me Rusinë.
“Ne nuk kemi asnjë problem tonin me Rusinë, Rusia nuk është një vend armik, nuk është një vend kundërshtarë, dhe unë e kam thënë në çdo instancë. Është një vend konkurrent për arsye të njohura të gjeopolitikës. Edhe gjatë kohës që ne drejtonim OSBE unë kam pasur takime me ambasadorin rus, dhe çdo rast për komunikim, për dialog, për bisedime duhet shfrytëzuar maksimalisht. Ne jemi pozicionuar shumë qartë dhe pa asnjë ekuivok në krah të SHBA dhe partnerëve perëndimorë, kur na kërkohet mendimi ne e japim mendimin tonë, dhe dëgjohemi me respekt. Ne kemi disa qytetarë shqiptarë që kontribuojnë në misionin e monitorimit të OSBE, ata do të vazhdojnë që të qëndrojnë atje”, tha Rama.
Discussion about this post