Partia Demokratike ka reaguar në lidhje me marrjen ne pyetje të dëshmitarëve që lidhen me aferën e inceneratorëve duke kërkuar që të dëshmojë kushdo ashtu siç ndodhi në rastin e Komisionit hetimor për 21 janarin.
Sipas Tabakut, mazhoranca po bën zhurmuesin duke penguar në këtë mënyrë dëshmitarët në lidhje me dëshminë e tyre, pasi PS kërkoi më herët që persona të cilët më herët kanë dhënë dëshminë në organet e drejtësisë, të mos merren në pyetje.
“Ky Kuvend ka një tjetër eksperiencë të ngjashme. Sepse ku ju dëgjoj që nuk ka ndodhur kurrë në 30 vite, çuditem. Ka ndodhur me komisionin hetimor për 21 Janarin ku ka qenë opozita dhe mazhoranca. Ka ardhur të dëshmojë kushdo që ka shkuar përpara prokurorisë, ka ardhur dhe në prokurori. Në qoftë se do të bëhesh palë me ato që duan ta dështojnë këtë komision hetimor, mua më vjen keq por nuk bëhem dot palë. I kërkoj stafit të Kuvendit të na nxjerrin dosjen hetimore të 21 Janarit si është proceduar me personat që kanë qenë në hetim, të paditur, dëshmitarë. Nuk ka asnjë pengesë ligjore për dëshmitarët që të vijnë këtu dhe të flasin”, tha Tabaku.
Discussion about this post