Ambasadorët e SHBA-ve dhe BE-së kanë reaguar pas dekretimit të Arbena Ahmetit për të qenë gjykatësja e 10 në Gjykatën e Lartë. Përmes një postimi në rrjetin social Twitter, ambasadorja Yuri Kim tha se kjo rrit funksionalitetin e Gjykatës së Lartë dhe gjithashtu i mundëson të emërojë gjyqtarët për Gjykatën Kushtetuese.
Ndërkohë, pak më vonë reagoi edhe ambasadori i BE-së Luigi Soreca duke thënë se e vlerëson një veprim të tillë sepse kjo i jep mundësi Gjykatës së Lartë që të emërojë gjyqtarë të Gjykatës Kushtetuese.
Presidenti Ilir Meta dekretoi Ahmetin për në Gjykatën e Lartë duke thënë se me këtë emërim të ri, Gjykata e Lartë, nga sot bëhet me 10 (dhjetë) gjyqtarë, nga 19 anëtarë, që duhet të ketë.
Discussion about this post