Në Komision Hetimor për Inceneratorët ka pasur mjaft debate ditën e sotme, ku i thirrur si dëshmitar ka qenë kryebashkiaku i Elbasanit Gledis Llatja. Në fjalën e tij ai ka treguar se për projektin nuk ka pasur një miratim emergjence nga komiteti i menaxhimit të integruar të mbetjeve.
Ndërkohë, Llatja është shprehur se nga data 15 janar deri më sot incineratori është i fikur për arsye të mungesës së disa materiale bazë gëlqere. Ai shtoi se impianti sot që ne flasim është në gjendje pune, mjafton vetëm të ndizet, mjafton të blihen materialet e nevojshme.
Pjesë nga diskutimet:
Boçi: Projekti për landfillin e Paprit ishte investuar nga qarku Elbasan dhe ishte bërë studim fizibiliteti nga kompania italiane, por për emergjencën mjedisore këshilli bashkiak merr vendim e ia jep për miratim komitetit të menaxhimit të integruar të mbetjeve. Vetëm nëse shprehet komiteti atëherë miratohet emergjenca mjedisore. Ndërkohë që në bashkinë e Elbasanit ka mbërritur oferta e pa kërkuar.
Në vazhdimësi të marrjes në dorëzim, meqenëse e ka marrë shoqëria, meqenëse jeni i interesuari i parë në pushtet lokal, nga data 17 deri sot që flasim a punon inceneratori? A prodhon energji?
Gledian Llatja: Sipas teknikëve, në datë 15 drejtuesi teknik për shkak dhe të mungesës së korrespodencës që kishte pasur me administratorin e ri të vendosur nga Gjykata e Posaçme, ka vendosur të fikë inceneratorin për arsye se i mungonin disa materiale bazë, të cilat për shkak të konsumit të tyre merren një herë në dy ditë ose një herë në tre ditë dhe i ka kërkuar administratorit që këto materiale të prokurohen.
Impianti sot që ne flasim është në gjendje pune, mjafton vetëm të ndizet, mjafton të blihen materialet e nevojshme. Patjetër që punon ka punuar që në ditën e parë që është ndezur. Në datën 15 është urdhëruar nga drejtuesi teknik fikja e detyruar e impiantit për të mos shkaktuar një dëm për mungesë të lëndës së parë që në rastin konkret është gëlqere.
Jorida Tabaku: Deri më sot nuk shtypur më ai butoni që ndizet prapë?
Gledian Llatja: Jo nuk është shtypur. Nga data 15 ka një muaj e gjysmë që nuk punon.
Luçian Boçi: Sa është pjesa e të ardhura që inceneratori gjeneron nëpërmjet prodhimit të energjisë, sa shet? Dhe sa ju si bashki nesër sa do të fitoni që do të mbuloni kostot e tjera.
Gledian Llatja: Impianti i prodhimit të energjisë elektrike, sipas të dhënave që jam interesuar unë ka një problematikë për çmimin. Ka dy kategori çmimesh, i pari pritet një vendim gjykate për çmimin e ERE-s. Enti Rregullator i Energjisë ka vendosur një çmim, kompania e ka quajtur të pasaktë dhe ka kërkuar një çmim të ri. Me sa më kanë informuar, e kanë fituar në shkallë të parë. Bashkia e Elbasanit kur ta marrë në administrim nga asetet e sekuestruara, në do të fillojmë kontaktet me OSHEE për të pasur një mundësi.
Discussion about this post