Gjatë një fjalimi në qytetin port lindor të Mariupolit, Presidenti i Ukrainës Volodymyr Zelensky u zotua se vendi i tij do të luftojë kundër çdo pushtimi.

Teksa u shfaq i veshur me një pallto të gjelbër ulliri të stilit ushtarak gjatë një fjalimi për të shënuar atë që ai e kishte shpallur “Ditën e Unitetit” të Ukrainës, Zelensky tha se nuk ka frikë nga parashikimet dhe nga askush.

Ai vazhdoi duke thënë: Ne kemi një forcë të mrekullueshme të armatosur, të fortë. Ne kemi diplomatë të shkëlqyer, forca vullnetare dhe forca të rezistencës kombëtare në të gjithë Ukrainën. Forca për të na mbrojtur. Mbroni tokën tuaj. Forca e mjaftueshme për të mos iu nënshtruar asnjë provokimi.

Kujtojmë që Zelensky, ka falënderuar presidentin Ilir Meta, në Ditën Kombëtare të Unitetit, e cila pritej të ishte dhe dita e pushtimit rus. Përmes një postimi në Twitter Zelensky shkruan se vlerëson solidaritetin e Shqipërisë dhe thekson se së bashku jemi më të fortë dhe e bëjmë Ukrainën më të fortë.