Ministrja Elisa Spiropali i është përgjigjur akuzave të Berishës i cili i quajti ministrat si hajna, duke thënë se Berisha është i damkosur botërisht nga SHBA dhe i shpallur si hajn i Amerikës.
Akuzave se Rama ka shkuar në SHBA të lobojë kundër tij, Spiropali i kundërshtoi duke e ironizuar për moshën dhe thënë se dhe “ata në botë e përtejme kanë deputetin e tyre”.
Berisha: Nuk e uroj këtu me ju sepse ju nuk e votuat ligjin për gjenocidin serb. Nuk mund të uroj me ju sepse kreu juaj është vasal i Vuçiç që lobon për atë në SHBA dhe sulmon Berishën. Asgjë nuk të shpëton nga lidhjet që ke me krimin. Kam një lajm të veçantë sot. Sipas raportimeve të mediave, agjenci të ndryshme të zbatimit të ligjit rezulton se janë identifikuar lidhje të shumta të krimit shqiptar me zyrtarë të shtetit shqiptar, Këto të dhëna janë pranë këtyre agjencive. Një ndihmë të veçantë ka dhënë një aplikacion i përdorur nga narkotrafikantët shqiptar.
Spiropali: Që kur është kthyer në parlament kjo hije e të shkuarës duket sikur edhe ata në botën e përtejme kanë deputetin e tyre. Kujt i thua hajn tij, kujt i thua Kokë e Meduzës ti që ke marrë damkën përfundimtare nga SHBA. Ik në shtëpi shijo perëndimin. se nuk ka më agim për ty.
Discussion about this post