Reperi nga Texas, Lil Loaded, i cili shënoi sukses të madh me këngën “6locc 6a6y” në 2019, ka ndërruar jetë në moshën 20 vjeçare.
Reperi, emri i vërtetë i të cilit është Dashawn Robertston, ka vdekur të hënën, sipas një njoftimi.
Shkaku dhe mënyra e tij e vdekjes nuk janë përcaktuar ende, ndërsa avokati Ashkan Mehryari, e quajti vdekjen e tij ‘shumë tragjike’.
“Ai kishte një karrierë muzikore shumë të ndritshme dhe premtuese përpara tij”, tha ai.
Hiti i tij “6locc 6a6y” i lancuar në verë është shikuar më shumë se 28 milionë herë në YouTube.
Kënga e tij vijuese “Gang Unit” po ashtu ka grumbulluar mbi 40 milionë shikime.
Robert nënshkroi me kompaninë “Epic Records” pasi projekti i tij u bë viral.
Lil u arrestua për vrasje vitin e kaluar në lidhje me vdekjen e një mikut të tij, Khalil Walker. Më pas, ai u la i lirë për këtë ngjarje dhe kishte një seancë të caktuar për të martën, tregojnë të dhënat e gjykatës.
