Në takimin ë zhvilloi me banorët e 4 zonave që po protestojnë para Kuvendit, Berisha tha se në Shqipëri nuk zbatohet ligji për të drejtën e pronës, pasi drejtohemi nga narkoshteti. Sakaq, ai iu bëri thirrje të gjithë shqiptarëve që të bashkohen me këta banorë dhe të ngrihen në protestë, që të mos biem më pre e korrupsionit.
“Po paraqesim një ndërhyrje për anulimin e ligjit që iu çel rrugën dhunës ndaj banorëve. Ky ligj nuk mund të aplikohet kështu sepse ju jeni përfitues që u njihte 100 për qind të drejtën e legalizimit. Të mobilizojmë të gjithë qytetarët e Tiranës Kamzës dhe Kasharit të ngrihen në mbështetje tuajin, kjo nuk është një protestë vetëm e juaja por e drejtë që u shkelmohet dhjetëra mijëra familjeve. Banorët e 5 Majit, Laprakës dhe Paskuqanit janë viktima të korrupsionit dhe vjedhjes qeveritare. Të gjithë ndërtuesit që kanë ndërtuar zona të tilla nuk kanë krijuar konflikt social me poseduesit por u është përgjigjur me kontratë sipas sipërfaqes, duke e ditur që është i detyruar por këtë nuk e bën shteti por ky është narkoshtetit, mafie shtetërore e drogës dhe krimit”, u shpreh Berisha. Në përfundim ai theksoi se vetmja mënyrë që të ndalen goditjet ndaj popullit duhet që të largojmë Ramën nga qeveria.
Discussion about this post