Në ditën e pavarësisë së Kosovës, djali i ish-presidentit dhe ish-kryeministrit të Kosovës Hashim Thaçi, Endriti kujtoi momentin historik kur i ati shpalli nga salla e Kuvendit të Kosovës në 17 shkurt 2008 Pavarësinë e vendit. Teksa sot Thaçi ndodhet në Hagë ku po gjykohet për krime lufte gjatë të Luftës së Kosovës në vitet 1998-1999, djali i tij shkruan në “Instagram” se i duket sikur koha ka ndalur te ajo ditë. Ai e falënderon për realizimin e kësaj ëndrre të shqiptarëve të Kosovës.
“Babë, sot e kësaj dite me ndalet zemra kur të shohë duke shpallë Kosovën shtet. Mu sikurse mu pat ndalë më 17 shkurt 2008, kur dole nga banesa për këtë ditë historike, deri sa jashtë e bërë një epokë të jashtëzakonshme. Faleminderit që na solle lirinë dhe pavarësinë bashkë me shokët” – shkruan djali i ish-Presidentit të Kosovës, Endrit Thaçi.
Kujtojmë se ish-Presidenti dhe ish-kryeministri i Kosovës, Hashim Thaçi dhe disa ish- krerë të UÇK-së, janë në Hagë prej 16 muajsh.
Discussion about this post