Kryetari i Komisionit Shtetëror të Zgjedhjeve, Ilirjan Celibashi i bën thirrje kryetarëve të njësive të qeverisjes vendore në 6 bashkitë që të vijojnë punën me përmbushjen e detyrimeve, sipas Kodit Zgjedhor.
“Kryetarët e njësive të qeverisjes vendore në bashkitë Shkodër, Dibër, Durrës, Vorë, Rrogozhinë dhe Lushnje, ku do të zhvillohen zgjedhjet e pjesshme të datës 6 mars 2022 duhet të vijojnë me përmbushjen e detyrimeve që burojnë nga Kodi Zgjedhor. Njoftimi me shkrim i zgjedhësve është tejet i rëndësishëm, veçanërisht për kohën e shkurtër në dispozicion të qytetarëve” – thuhet në njoftimin e Komisionerit Shtetëror të Zgjedhjeve, Ilirjan Celibashi.
Kujtojmë se në datën 6 Mars zhvillohen zgjedhjet për 6 bashkitë e vendit që janë pa kryetar, në Bashkinë e Shkodrës, Lushnjës, Rrogozhinës, Durrësit, Dibrës dhe Vorës.
Discussion about this post