11 persona janë raportuar si të zhdukur pas zjarrit që përfshiu mëngjesin e sotëm tragetin ‘Euroferry Olympia’ teksa lundronte në afërsi të Korfuzit. Pas numërimit të pasagjerëve u vu re mungesa e këtyre personave.
“Është herët për të bërë një deklaratë. Ne përpiqemi të kryqëzojmë informacionin dhe të krahasojmë sa janë deklaruar në listën e pasagjerëve me ata që u shpëtuan. Është shpëtuar edhe skafi italian, presim numërimin dhe identifikimin në portin e Korfuzit”.- tha një nga rojet.
Të mbijetuarit e anijes që u përfshi nga flakët ndodhen aktualisht në tre mjete lundruese (në bord janë mbi 200 persona) dhe pritet të mbërrijnë në Korfuz për një orë. Aty, roja bregdetare ka evidentuar 4 pika numërimi ku do të bëhet identifikimi, në mënyrë që të ketë një pamje të qartë të të zhdukurve. Kërkimi në det ende vazhdon.
Discussion about this post