UEFA rendit klubet për 10 vjeçarin e fundit në bazë të përfitimeve financiare

Interi bën një parakalim historik ndaj Milanit. Për herë të parë që nga hartimi i renditjes speciale (nga viti 2018), zikaltrit në fakt janë renditur pas kuqezinjve në renditjen dhjetëvjeçare të UEFA-s, të cilën organi drejtues i futbollit europian e përdor për të përcaktuar shpërndarjen e një pjese të çmimeve për klubet që marrin pjesë në kupat e UEFA-s.

Siç raporton CalcioFinanza, zikaltrit e Interit tani janë në vendin e 26-të, krahasuar me të 27-in e kushërinjve të tyre, kuqezinjve të Milanit, të cilët kishin qëndruar gjithmonë përpara që nga prezantimi i renditjes dhjetëvjeçare deri në fund të sezonit të kaluar. Renditja merr në konsideratë rezultatet e arritura në kupat europiane në dhjetë vitet e fundit, duke caktuar një pikë për çdo sezon.

Rezultati total përcakton renditjen dhe përdoret për të shpërndarë një pjesë të burimeve financiare te klubet. Për të dhënë një shembull të fundit, bazuar në renditjen e sezonit 2020/21, Real Madridit që kryeson këtë renditje ka arkëtuar 36.4 milionë euro që nga edicioni i Champions League vitin e kaluar, ndërsa Sheriff Tiraspol, i fundit në renditje, përfitoi pak më shumë se një milion euro.

Renditja historike për “Top 10” klubet

Real Madrid – 355 pikë (19 në 2021/22)

Bayern Munich – 316 pikë (22 në 2021/22)

Barcelona – 280 pikë (9 në 2021/22)

Juventus – 249 pikë (19 në 2021/22)

Chelsea – 235 pikë (18 në 2021/22)

Atletico Madrid – 230 pikë (14 pikë në 2021/22)

Paris SG – 229 pikë (19 në 2021/22)

Manchester City – 212 pikë (19 në 2021/22)

Manchester United – 207 pikë (17 në 2021/22)

Liverpool – 205 pikë (23 në 2021/22)