Kreu i diplomacisë ruse, Sergei Lavrov, deklaroi sot se ka dyshime që në Ukrainë ndodhen “mercenarë shqiptarë”. Ministria e Punëve të Jashtme e Shqipërisë ka reaguar në lidhje me deklaratat e ministrit rus, duke i përgënjeshtruar ato.
Në një deklaratë për mediat, teksa e mohon kategorikisht, ministria bën të ditur se në shenjë proteste është thërritur Ambasadori i Federatës Ruse të cilit i është kërkuar përgënjeshtrimi i lajmit.
“MEPJ hedh poshtë kategorikisht pretendimet e publikuara sot në agjencinë e lajmeve ruse TAS dhe dyshimet e ngritura nga Ministri i Jashtëm Rus, Sergei Lavrov, për praninë e “mercenarëve shqiptarë” në Ukrainë. Në shenjë proteste është thërritur Ambasadori i Federatës Ruse të cilit i është kërkuar përgënjeshtrimi i lajmit” – thuhet në deklaratën e ministrisë.
Discussion about this post