Mbappe “qëndron” te PSG në rast se i plotësojnë këto kushte

Sulmuesi i PSG-së Mbape i ka vënë të tjera kushte shtesë klubit për të firmosur një kontratë të re.

Sipas gazetës franceze “L’Equipe”, sulmuesi i kombëtares franceze kërkon që të ketë një rol më kryesor në ekip dhe kjo fillon që nga pozicioni në fushën e lojës.

Për më tepër, ai ka kërkuar që t’i jepet prioritet edhe në gjuajtjen e penalltive, që mund të përmirësojnë statistikat e tij. Gjithashtu, Mbape ka kërkuar më shumë disiplinë në klub ndaj amerikano-jugorëve, të cilët sipas tij kanë shumë privilegje në dhomat e zhveshjeve ndaj lojtarëve të tjerë.

Reference e qartë për dyshen Mesi-Nejmar, që trajtohet ndryshe nga të gjithë futbollistët e tjerë të PSG-së. Ndërkaq, Mbape ka kërkuar dhe largimin e Serxhio Ramosit, sepse sipas tij mbrojtësi spanjoll nuk mund t’i ofrojë asgjë më shumë PSG-së.