Tenderi 700 milionë lekë në shkelje të hapur të ligjit është skandali i radhës nga Erjon Veliaj, si një vepër në bashkëpunim me kompaninë “Eco Tirana”, ku bashkia Tiranë ka 51% të aksioneve. Në fakt tashmë të gjithë e dimë se bashkëpunimet mes Bashkisë Tiranë dhe “Eco Tirana” janë gjithmonë vepra skandaloze që gllabërojnë para nga xhepat e qytetarëve.
Këtë herë “Eco Tirana”, sigurisht me miratimin e Veliajt, ka hapur një tender me objekt “Punime Rikonstruksioni zyrat dhe sheshi Don Bosko”, i cili kap vlerat 66,964,620 lekë të reja, ose 700 milionë lekë të vjetra.
Shkelja e parë që është bërë me këtë tender është fondi limit, i cili kap vlera shumë ta larta për një shërbim të tillë, duke shtuar këtu faktin se “Eco Tirana” merr fonde të herë pas hershme nga Bashkia Tiranë. Ndërsa zyrat nuk iu mungojnë, madje i kanë në kushtet më të mira.
Rregulli i dytë nga ligjet për prokurimet është se u shpall fitues kompania me ofertën më të lartë. Sipas dokumentit të publikuar evidentohet se, “A.L-ASFALT SHPK & HTM SHPK” ka ofruar 66 198 080,00 lekë për të kryer këtë shërbim, pra sa 99% e fondit limit, ndërsa kompanitë e tjera më pak se 54 milionë lekë të reja. Kështu, Bashkia Tiranë ka cenuar hapur konkurrencën, pasi ka zhvilluar tender fiktiv, duke qenë se në dokumente theksohet se kompanitë e tjera janë përjashtuar në fillim të garës.
Garë fiktive
Nga dokumentet e shqyrtuar nga Gijotina.com rezulton se në të vërtet “Eco Tirana” e ka dhënë tenderin pa garë fare dhe çdo gjë tjetër është fiktive dhe sa për të mbuluar abuzimin. Kjo pasi rezulton që nga katër kompanitë e tjera që morën në garë 2 prej tyre kanë paraqitur ofertë me 0 lekë, pra është njësojë sikur të kenë mos kenë marrë pjesë fare. Por, pse “Eco Tirana” i ka listuar si pjesëmarrëse në garë? Përgjigja është kaq e thjeshtë, sepse vetëm kështu mund të mbulohej shkelja dhe të dukej sikur për këtë tenderë është zhvilluar një garë.
Discussion about this post