Mbrëmë e djeshme është mbajtur nata finale e spektaklit të Big Brother VIP. Aventura e cila zgjati afro katër muaj, shpalli si të parin e kësaj gare balerinin Ilir Shaqiri.
Pa dyshim që një vëmendje të madhe gjatë spektaklit mori edhe moderatorja Arbana Osmani, e cila në nisje të natës finale zbuloi se është shtatzënë, në pritje të fëmijës së saj të tretë.
“Këtë Big Brother e kemi prezantuar dy veta”, tha Osmani në nisje të programit, teksa mori urime të shumta nga publiku në studio. Megjithatë në disa momente, ajo bëri disa deklarata të çuditshme, të cilat kanë befasuar shikuesit e Big Brother.
Ajo i tha banores Einxhel Shkira në një moment: “Na ke zhgënjyer për mirë” – duke theksuar këtu faktin se pak veta e prisnin që ajo të shkonte në finale.
Discussion about this post