Liza Marku, e moshuara që është kthyer në simbolin e protestës së banorëve të “5 Majit”, ka dalë sërish sot në protestë për mbrojtur pronën e saj. Sakaq, në një prononcim për mediat ajo kat reaguar se është kundër legalizimit të kanabisit për mediat dhe e ka quajtur humbje kohe që Rama dërgon një pyetësor për këtë çështje.
Teksa proteston me fqinjët e saj, nënë Liza tha se shqiptarëve nuk u duhet droga e legalizuar, por shtëpitë. “Po legalizon drogën, pse legalizon drogën, legalizo shtëpitë? Ç’është kjo punë, nxjerr popullin e vet përjashta dhe thotë hajde legalizojmë kanabisin. Na nuk duam drogë, duam shtëpitë tona”, tha ajo ndër të tjera.
Edhe nga përgjigjet që publikoi kryeministri ditën e sotme, disa nga qytetarët shpreheshin se legalizimi i kanabisit është një hap i gabuar dhe se qeveria duhet të merret me çështje më të rëndësishme.
Discussion about this post