Forcat operacionale kanë kryer mbrëmjen e djeshme disa kontrolle në zonën e ish-Kënetës në Durrës, në lokale dhe biznese të tjera, përfshirë një bilardo. Por, gjatë kontrolleve janë përballur me rezistencë dhe kjo ka sjellë përplasje të ashpra. Në një video që po bën xhiron e rrjetit, pronari i një bilardoje debaton me efektivët dhe shprehet se ky kontroll është i qëllimshëm.
Ai pretendon se, kontrollet janë kryer nën presionin politik, pasi ata kanë qenë pjesë e takimeve të kandidatit për kryetar Bashkie, Ardian Muka, përfaqësues i koalicioni “Shtëpia e lirisë”. Prandaj, ai iu kërkojnë forcave operacionale që të paraqesin urdhrin e kontrollit, gjë e cila nuk iu jepet.
Qytetarët pretendojnë po ashtu se policia ka dhunuar një prej klientëve në lokal, i cili shihet me shenja në qafë. “Unë e kuptoj se pse keni ardhur, unë nuk jam duke gjuajtur në grusht juve, dhe as me armë, unë e di se pse keni ardhur ju këtu, o zotëri unë dua një urdhër kontrolli. Nëse keni ardhur privatisht, atëherë vazhdoni dhe grabisni.
Më jepni një urdhër kontrolli, jam 200 mijë euro borxh, nuk më trembni dot o shokë, ose më jepni urdhër kontrolli ose më çoni në burg. E prisja këtë gjë se isha pjesë e një mitingu”, shprehet një prej pronarëve të biznesit.
Ndërsa ka paralajmëruar se kjo gjë mund të kalojë në çështje gjaku, pasi ai nuk e toleron.
“Vërini flakën më mirë, nuk më trembni dot, ose më jepni urdhër kontrolli ose më vrisni krejt. Nëse jeni burra na vrisni, jemi në gjak pastaj. Më kanë marrë forcërisht, më kanë fshi dhe videon, këta nuk e dinë se unë e kam zemrën e çarë. Burra me armë këta, o xhaxh merr avokatin që të vijë këtu direkt. Ore të kontrollojë…”, tha ai.
Gjithsesi do të pritet dhe njoftimi zyrtarë i policisë lidhur me këtë çështje, ku do të zbardhen më shumë detaje.
Discussion about this post