Ambasadorja amerikane Yuri Kim ka zgjedhur të bëhet faktor i rëndësishëm në zgjedhjet e 6 marsit, duke sulmuar hapur ish-kryeministrin Sali Berisha dhe koalicionin “Shtëpia e Lirisë”.
Tre ditës pas nisjes së fushatës elektorale, Kim është kujdesur posaçërisht të kujtojë Berishën për shpalljen non-grata nga SHBA, duke u përpjekur kështu të ndikojë tek elektorati i 6 marsit. Në një postim në Twitter, ajo pyet kandidatët e Berishës se çfarë mund t’iu premtojnë votuesve të tyre, sa kohë që drejtohen nga një person i shpallur non-grata nga SHBA.
“Pyetje për kandidatët: Nëse mbështetësi juaj kryesor është dikush i sanksionuar nga SHBA për korrupsion të konsiderueshëm, çfarë saktësisht po u premtoni votuesve? Kush do t’ju zotërojë nëse fitoni dhe çfarë do t’i detyroheni atyre? Çfarë duhet të presin shqiptarët? Çfarë duhet të presin SHBA?,”-shkruan ambasadorja Yuri Kim.
Kujtojmë se vazhdimisht Berisha dhe Yuri Kim janë përplasur në distancë me njëri-tjetrin, me ish-kryeministrin që e akuzon se mbështet qeverinë, dhe me ambasadoren që kërkon që ai të dalë njëherë e mirë nga politika.
Discussion about this post