Komisioni Hetimor Parlamentar për inceneratorët do të mblidhet sërish sot në orën 10:30, ku pritet që fillimisht të dëshmojë administratorja e Inceneratorit të Tiranës Ariola Kodra dhe më pas funksionarë të lartë të qeverisë.
Kujtojmë se, Kodra nuk është paraqitur në tre thirrje të Komisionit me justifikimin se nuk i kishte shkuar fletë thirrja. Sipas drejtuesve të komisionit, ligji parashikon shoqërim me forcë nga Policia e Shtetit të personave që refuzojnë dëshminë në Komisionin Hetimor.
Në orën 13:00 janë thirrur të dëshmojnë:
1. Emiriana Sako – Kryetare e Bashkisë Durrës;
2. Shkëlqim Cani – Ish-Ministër i Financave;
3. Belinda Balluku – Ministre e Infrastrukturës dhe Transportit;
4. Armando Subashi – Kryetar i Bashkisë Fier;
5. Arben Ahmetaj – Zv. Kryeministër dhe ministër i Shtetit për Rindërtimin dhe Programin e Reformave.
Discussion about this post