Edi Paloka ka reaguar sot në lidhje me deklaratën e ambasadores Yuri Kim, e cila tha se nuk duhet të votohet me 6 mars një person që është shpallur non-grata, për Sali Berishën dhe as kandidatët e tij pasi nuk i ofrojnë qytetarëve asgjë. Përmes një postimi në Facebook ai i bën thirrje Kim të mos mbajë anë dhe të mos bëjë presione, pasi po prish kështu imazhin e SHBA në sytë e shqiptarëve. Sakaq ai akuzoi ambasadoren se po prish marrëdhëniet mes dy vendeve
“Pra sipas jush zonja ambasadore, shqiptaret duhet te votojnë kandidatet e këtyre…?!! Vërtetë nuk e kuptoni se kështu nuk po bëni gjë tjetër , veçse po dëmtoni imazhin e vendit që përfaqësoni përpara një populli që atë vend e adhuron pikërisht për vlerat dhe parimet që përfaqëson e jo vetëm për historinë qe na lidh ?!Keni thënë dikur se ka nga ata që përpiqen te prishin marr dhëniet midis SHBA dhe shqiptareve”, shkruan ai.
Vetëm pak minuta më parë Yuri Kim publikoi një postim ku iu kërkonte demokratëve që të pyesnin më parë veten se për çfarë arsye duhet të votojnë një person të shpallur non-grata për korrupsion.
Discussion about this post