Banorët e tri lagjeve, Paskuqan, Laprakës dhe Babrrusë në protestën e sotme kanë shkuar pranë ARRSH për të kërkuar ndalimin e shembjes së shtëpive të tyre. Ata preken nga projekti i Unazës, i cili parashikon të shemb 700 shtëpi në këto zona. Por banorët akuzojnë Bashkinë Tiranë se po vepron pa marrëveshje dhe në kundërshtim me ligjin. Kështu, sot ata kanë kërkuar që të publikohet një VKM e cila do të përcaktoj sa shtëpi do prishen, banesat që preken, si do procedohet dhe vlera e shpronësimit. Kështu, ata kërkojnë paraqitjen e kësaj VKM dhe më pas ata do të vendosin si do të veprojnë, në të kundërt do t’i mbrojnë banesat me çdo kusht.
“Siç e dimë nga përgjigja e ARRSH janë 150 banesa që preken nga ndërtimi. 550 të tjera që do e çojnë 700 numrin e banesave që shemben, ende nuk ka asnjë përgjigje. Puna në terren ka filluar, janë kompani të ndryshme që kanë shkuar të banesat, afatin mund ta çojnë dhe në 40 ditë. Ka informacione se këtë javë do të dalë një VKM për atë që do të ndodhë me banesat tona.
Patjetër që ka një devijim të Unazës. Besoj nga mesi i javës do të zbardhet edhe VKM, në bazë të asaj VKM do të vendosim se çfarë do të bëjmë, më pas do të vendosim se çfarë do të bëjmë. Nënkupton edhe redikalizim, ndoshta edhe protestë poshtë banesave të politikanëve që po marrin këto vendime për ne. Protestat kanë nisur që me 4 shtator, ende nuk kemi marrë asnjë informacion. Sot mësuam se do të pajisen vetëm banesat që janë me letra dhe të legalizuara. Banesa sociale askush nuk do të pranojë”, u shpreh banori. Por, si çdo institucion tjetër edhe ARRSH i përcolli pa një informacion konkret dhe me justifikime.
Discussion about this post