Është shoqëruar me tone të ashpra seanca e komisionit hetimor për inceneratorët, ku përfaqësuesit e opozitës dhe maxhorancës janë përplasur me njëri-tjetrin.
Gjithçka nisi me deklaratën e Ermonela Felajt e cila deklaroi se PS do të kallëzojë në SPAK, Jorida Tabaku pasi shkeli ligjin duke takuar Arben Krajën pa lejen e komisionit.
Kaq mjaftoi që situata të precipitonte, ku Tabaku paralajmëroi disa herë Felajn se do ta nxirrte jashtë me Gardën e Republikës nëse prishte mbledhjen.
Pjesë nga debati:
Jorida Tabaku: Këto kolegë deputetë që në çdo seancë në konflikt të pastër interesi vijnë këtu dhe duan të marrin peng komisionin në javën më të rëndësishëm të saj. Ka ardhur Ermonela Felaj dhe na bën moral për diskutimin e ligjit. Këtë padi që bën për mua bëjë edhe për Ulsi Manjën dhe Erion Veliajn. Bëjeni edhe për veten dhe për tre anëtarët sepse jeni në konflikt interesi sepse keni qenë pjesë e vendimmarrjes për inceneratorët.
Ermonela Felaj: Je jashtë procedurës.
Jorida Tabaku: Radhën e ka z.Boçi
Ermonela Felaj: Jo radhën e kisha unë.
Luçiano Boçi: Pse te radha e qumështit jemi në këtu…një burrë një grua që do mbajmë radhën..?
Ermonela Felaj: Pse keni frikë nga fjala jonë.
Jorida Tabaku: Frikë duhet të ketë Ermonela Felaj që ka firmosur për koncensionet.
Luçiano Boçi: Po kërkoni të largoni vëmendjen nga fokusi i komisionit.
Jorida Tabaku: Do t’i kërkoj Gardës ta nxjerrë Ermonela Felajn nëse prish seancën.
Luçiano Boçi: Zonja Felaj duhet të thirret si dëshmitare. Je në konflikt interesi pasi në pozicionin e ish-ministres ke dhënë vendim me mosveprimet e tua. Ke interesa të inceneratorët. Ti po sillesh si prokurore këtu.
Discussion about this post