Stilistja Anila Konomi ishte e ftuar në emisionin “Shqipëria Live” ku ka komentuar veshjet e ish-banorëve të “Big Brother VIP” në finale duke renditur Sheila Haxhirajn dhe Monika Lubonjën si dy ish-banoret e veshura më mirë.
Nga ana tjetër, veshjen e Fifit e konsideroi si më të keqen.
“Sheila më pëlqeu shumë. Thjesht, pastër, bukur, ndoshta është dhe kombinimi me motive nacionaliste. Nuk më pëlqeu Fifi, e kam shumë xhan por nuk më pëlqeu. Kishte mundësi të ishte veshur më mirë. Monika më ka pëlqyer thuajse gjatë gjithë spektaklit, mbase ishte pak e ekzagjeruar pjesa e shallit sepse fustani ishte shumë i bukur”, tha Konomi.
Ndërsa për dy finalistët, vlerësoi maksimalisht veshjen e Donaldit, duke e konsideruar si trend të kohës.
“Nga katër finalistët, jam për Donaldin se kishte një veshje të kohës, një kostum oversize që e kishte kombinuar me kapelen dhe T-shirt e atletet, i rri mjaft mirë. Iliri ishte klas, vetëm se nuk kishte vënë kollaren. Duke i parë të dy, i dalloje dhe publiku ja ka dhënë votën edhe nga stili”, përfundoi stilistja.
Discussion about this post