Pavarësisht rezistencës se banorëve IKMT ka nisur shembjet te “5Maji”, kjo ka revoltuar edhe më shumë banorët, të cilët kanë filluar të gjuajnë me gurë policët dhe t’u vënë flakën barishteve aty pranë. Edhe më herët ata kishin paralajmëruar se protesta e 22 shkurtit nuk do të jetë e paqtë, pasi duhet të mbrojnë shtëpitë e tyre në çdo mënyrë.
Banorët kërcënojnë se do të ndërmarrin masa ekstreme, ndërsa iu luten policëve t’iu hapin rrugën pasi nuk duhet të shemben dhe familjet e tyre të mbeten në mes të katër rrugëve. Në çdo protestë banorët kanë ngritur zërin dhe kanë deklaruar se kanë mbi 25 vjet që i kanë ndërtuar shtëpitë aty dhe askush nuk i ka nxjerr probleme, madje pjesa më e madhe shprehen se kanë certifikatë pronësie.
Discussion about this post