Pas një seance maratonë ditën e djeshme, Komisioni Hetimor për Inceneratorët pritet të mblidhet sërish sot për të zhvilluar një tjetër seancë me politikanë që do të japin llogari për këtë aferë korruptive.
Ditën e djeshme, mbledhja u shoqërua me debate e tensione të forta, ku u paraqitën për të dëshmuar kryebashkiakja e Durrësit, Emirjana Sako, ministrja e Transportit, Belinda Balluku, kryebashkiaku i Fierit, Armando Subashi, ish-ministri i Financave, Shkëlqim Cani, si dhe zëvendëskryeministri Arben Ahmetaj.
Ndërkohë, edhe ditën e sotme pritet një tjetër seancë me tensione, ku për të dëshmuar janë Sekretari i Përgjithshëm i Kryeministrisë, Ëngjëll Agaçi, kryebashkiaku i Tiranës, Erion Veliaj, deputeti i PS, Alqi Bllako, dhe ish-ministri i Energjetikës, Damian Gjiknuri.
Mbledhja e Komisionit Hetimor dje nisi rreth orës 11:00 të mëngjesit dhe u mbyll në orën 01:00 të natës, ku për më shumë se 13 orë dëshmuan mbi aferën e inceneratorëve zyrtarë të lartë të qeverisë.
Discussion about this post