Sekretari i Përgjithshëm i Këshillit të Ministrave, Ëngjëll Agaçi, në komisionin hetimor të inceneratorëve është pyetur nga kryetarja Jorida Tabaku, nëse ka pasur një lobim nga ana e ish-ministrit të Financave Arben Ahmetaj në lidhje me inceneratorin e Elbasanit, për të kaluar procedurën në Këshillin e Ministrave. Në përgjigjen e tij Sekretari i KM-së u shpreh se një gjë e tillë nuk ka ndodhur asnjëherë.
Pjesë nga diskutimet:
Jorida Tabaku: Zoti Agaçi a keni dijeni për inspektimin financiar të inceneratorit të Elbasanit?
Ëngjëll Agaçi: Shpresoj që memoria të mos më gënjejë, në dijeninë time jo. Sekretari i Përgjithshëm i Këshillit të Ministrave ndjek vendimmarrjen e Këshillit të Ministrave. Nëse ne do të gjejmë një dispozitë që Sekretari i Përgjithshëm duhet të ndjek çdo urdhër që del përgjigjja do të ishte ndryshe.
Jorida Tabaku: Sekretari i Përgjithshëm do të duhet të kishte dijeni, pasi kemi të bëjmë me një aferë korruptive. Kam një pyetje të fundit, a ka ardhur ndonjëherë zoti Arben Ahmetaj për të lobuar për këtë procedurë te ju?
Ëngjëll Agaçi: Asnjëherë!
Discussion about this post