Drama e banorëve tek zona e “5 Majit”

Nga Gert Bogdani

Vazhdon drama e banoreve tek zona e 5 Majit. Policia Bashkiake dhe Policia e Shtetit, në shërbim të kryetarit të Bashkisë Veliaj dhe në kundërshtim në shkelje të plotë të ligjit, kanë nxjerrë nga banesat e tyre banorët që në orët e para të mëngjesit!

Gazi lotësjellës nëpër banesa është shkelje flagrante e çdo procedurë, shkatërrimi i banesave, është shkelje flagrante e ligjit, dëbimi i banorëve duke i dhënë vetëm një copë letër pa vlerë e pa asnjë specifikim në dorë është shkelje e të drejtave të njeriut, shkatërrimi i banesave uzurpimi i pronës nën petkun e rindërtimit është thjeshtë babëzi çnjerëzore!

Të gjithë ata që janë përgjegjës duhet të kallëzohen penalisht, siç u bë me kapterin e policisë bashkiake që dhunoi gazetaren Sonila Musai herën e fundit tek 5 Maji! Duhet ngritur një komision hetimor parlamentar për hetimin e kësaj babëzie që nxjerr njerëzit nga shtëpitë e në mes të katër rrugëve vetëm për të fryrë xhepat e pushtetarëve e për të majmur oligarkët! Duhet një nisme ligjore parlamentare dhe duhet ndryshuar VKM famëkeqe të rindërtimit!!!